Газрын танилцуулга
5x5 сагсны талбай
2025-12-08 17:03:27
2023.06.1 Олон улсын хүүхдийн эрхийг хамгаалах өдөр ХҮҮХДИЙН БАЯРЫН энэ өдөр Миний Монгол цэцэрлэгт хүрээлэнд Сагсан бөмбөгийн 5*5-ын шинэ талбайг албан ёсоор нээсэн
Гэрэлт гудамж
2025-12-08 16:55:46
Гэрэлт гудамж - Гэрлээр гялалзсан энэ гудамж Хосуудын зүрхний хэмнэлээр алхах, дурсамжаа зураг болгон үлдээх Дархан хотын хамгийн #романтик орчин юм. Дархан хот байгуулагдсаны 60, 61 жилийн ойн баярыг угтан "Дархан хотын Соёл Амралтын хүрээлэн" ОНӨААТҮГ-ын хамт олон "Дархан-Өргөө" политехник коллежийн Гагнуурын 4 дүгээр курсын багш оюутнуудын төлөөлөл, Уул уурхай, эрчим хүчний политехник коллежийн Цахилгааны 3 дугаар курсын багш, оюутнуудын төлөөлөлтэй хамтран ажиллаж, өөрсдийн нөөцөөр "МИНИЙ МОНГОЛ" цэцэрлэгт хүрээлэнд ГЭРЭЛТ ГУДАМЖ-ийг 2022 онд бүтээн байгуулжээ.
Дүүжин гүүр
2025-12-08 11:18:59
Дүүжин гүүр: (2008.07.31) Дархан-Уул аймгийн Дархан суманд байрлах Дүүжин гүүр нь тус аймгийн хэмжээнд хийгдсэн томоохон бүтээн байгуулалтын нэг бөгөөд хотын өнгө төрх, соёлын орчин, хот төлөвлөлтийн орчин үеийн шийдлийг илэрхийлсэн чухал дэд бүтцийн байгууламж юм. Энэхүү гүүр нь Дархан хотын “хуучин” болон “шинэ” хэсгүүдийг хооронд нь холбохын зэрэгцээ хотын төвийн соёл, нийгмийн гол бүсүүд болох Бурхан багшийн сэрэг дүр, Морин хуур цогцолбор, Миний Монгол цэцэрлэгт хүрээлэн зэрэг олон нийтийн ач холбогдол бүхий газруудыг уялдуулан холбодог. Тус дүүжин гүүр нь Монгол Улсад баригдсан анхны дүүжин гүүрүүдийн нэг бөгөөд уг бүтээн байгуулалтын ажлыг 2008 оны 4 дүгээр сарын 10-нд эхлүүлж, мөн оны 7 дугаар сарын 31-нд ашиглалтад албан ёсоор хүлээлгэн өгсөн юм. Гүүрийн зураг төслийг уран барилгач Ч.Пүрэвдорж боловсруулж, барилгын угсралтын ажлыг Бүгд Найрамдах Хятад Ард Улсын “Лихуа зам гүүр байгууламж” компани гүйцэтгэсэн байна. Техникийн үзүүлэлтийн хувьд уг гүүр нь: Нийт урт: 110 метр Өргөн: 4 метр Өндөр: 16 метр Өндөрт байрлах ган хийц бүхий явган хүний зориулалтын шугаман гүүр юм. Энэхүү бүтэц нь хотын төв дундуур дайрсан автозамын хөдөлгөөнийг хөндлөн огтлолцолгүйгээр даван гарах боломжийг бүрдүүлж, иргэдийн аюулгүй зорчих нөхцөлийг хангахад чиглэсэн шийдэл болсон. Дүүжин гүүр ашиглалтад орсноор хуучин болон шинэ Дархан хотын хоорондын явган хүний зорчих хөдөлгөөн мэдэгдэхүйц сайжирч, хотын урд болон хойд хэсэг, соёлын цогцолборууд, амралт чөлөөт цагийн бүсүүдийг холбосон нэгдмэл орон зай бүрэлдсэн. Үүний үр дүнд автозам хөндлөн гарах шаардлага буурч, хөдөлгөөний аюулгүй байдал, урсгалын зохицуулалт сайжирсан төдийгүй хотын орчны гоо зүй, үзэмж нэмэгдэж, иргэдийн амарч зугаалах, соёлын арга хэмжээнд оролцох таатай, аюулгүй орчин бий болсон гэж олон нийт үнэлдэг. Иймээс Дүүжин гүүр нь энгийн утсан, төмөр хийцтэй гүүр гэхээсээ илүү Дархан хотын орчин үеийн хот байгуулалтын шийдлийг илтгэх, хүн амын хөдөлгөөн, нийгэм, соёлын үйл ажиллагааг уялдуулан холбосон, хотын хөгжлийн бэлгэдэл болсон стратегийн ач холбогдол бүхий бүтээн байгуулалт хэмээн дүгнэж болно.
Найрамдал талбай
2025-12-08 11:16:54
Найрамдал талбай: /1978.12.28/ Дархан-Уул аймгийн Дархан сумын Залуучууд театрын урд байрлах Найрамдал талбай нь Дархан хотын түүх, хот төлөвлөлт, нийгэм-соёлын амьдралтай салшгүй холбоотой, хотын төвийн гол олон нийтийн орон зайн нэг юм. Энэхүү талбай нь Дархан хотын төв хэсэгт, Залуучууд театрын үндсэн барилгын яг урд талд байрлаж, хотын соёл амралтын хүрээлэн, төв гудамж, үйлчилгээний бүсүүдтэй шууд холбогдсон байршилтай тул дарханчуудын өдөр тутмын амьдрал, баяр ёслол, олон нийтийн чухал үйл ажиллагаа энд төвлөрөн явагддаг. Дархан хот 1960-аад оноос эхлэн /1960–1970/ ЗХУ болон социалист 5–6 улсын (ЗХУ, Болгар, Польш, Унгар, Чех, Зүүн Герман) тусламжаар баригдсан. Зөвлөлт Холбоот Улс болон тухайн үеийн социалист орнуудын эдийн засаг, техник, хот байгуулалтын тусламжтайгаар төлөвлөгдөн баригдсан хот бөгөөд “Найрамдал”, “Хамтын ажиллагаа” гэсэн үзэл санаа нь хотын нэршил, гудамж, барилга байгууламжийн зохион байгуулалтад хүчтэй шингэсэн байдаг. Энэ утгаараа Найрамдал нэртэй талбай нь Дархан хотын үүсэл хөгжил, олон улсын хамтын ажиллагааны бэлгэдэл болсон нэршилтэй бөгөөд хотын төвийн ил задгай, олон нийт зориулсан чухал орон зайд байршдаг. Залуучууд театрын өмнөх задгай талбай, нийтийн орчин нь социалист үеийн хот төлөвлөлтийн нийтлэг жишгээр театр, соёлын байгууллагын өмнө томоохон нээлттэй талбай байхаар зохион байгуулагдсан.
Сүрэнгийн гудамж
2025-12-08 11:15:54
Сүрэнгийн гудамж нь Дархан-Уул аймгийн Дархан суманд байрлах, иргэдийн алхах, амарч тухлахад зориулсан ногоон гудамж, амралтын бүс юм. Дархан хотын дарга асан Г.Сүрэнгийн дурсгалд зориулан байгуулсан энэ гудамж нь ойролцоогоор 2.3 га талбайг хамардаг бөгөөд модод бүхий ногоон зурвас, явган хүний чулуун зам, сандал, сүүдрэвч, гудамжны гэрэлтүүлэгтэй иж бүрэн тохижилттойгоороо онцлог юм. Сүрэнгийн гудамж нь Дархан Хотын Соёл Амралтын Хүрээлэн ОНӨААТҮГ-ын хариуцдаг нийтийн эзэмшлийн газрын нэг бөгөөд иргэдийн чөлөөт цагийг зөв, аюулгүй, ая тухтай өнгөрүүлэх орчныг бүрдүүлэх зорилготойгоор үе шаттайгаар арчилгаа, тохижилт, нэмэлт бүтээн байгуулалтууд хийгдэж байна. Моддын сүүдэр, чулуун зам, гэрэлтүүлэг бүхий орчны шийдэл нь явган аялал, гэр бүл, найз нөхөдтэйгөө зугаалах, зураг авахуулах, өдрийн болон оройн цагт тайван алхаж амрахад тохиромжтой нөхцөл бүрдүүлдэг.
Эрдэнэтийн гүүрний цогцолбор
2025-12-08 11:14:24
Эрдэнэтийн гүүрний цогцолбор: (Хараа голын эрэг, Дархан-Уул аймаг) Дархан-Уул аймгийн Дархан сумын нутаг, Хараа голын эрэг дагуух үзэмжит бүсэд байрлах амралт, аялал, үйлчилгээний зориулалттай олон нийтийн орчин юм. Дархан хотын иргэд болон зорин ирсэн зочид, аялагчид голын эрэг дагуу салхилж амрах, гэр бүл, найз нөхдийн хамт чөлөөт цагаа өнгөрүүлэх, байгальтайгаа ойр байх боломжийг бүрдүүлдэгээрээ онцлог. Цогцолбор нь Дархан Хотын Соёл Амралтын Хүрээлэн ОНӨААТҮГ-ын хариуцдаг нийтийн эзэмшлийн газрын нэг бөгөөд бусад цогцолборуудын нэгэн адил иргэдийн амралт, чөлөөт цагийн орчныг сайжруулах зорилготойгоор үе шаттайгаар тохижуулж, өргөтгөн хөгжүүлж байна. Байршил: Дархан-Уул аймаг, Дархан сум Газар зүй: Хараа голын эрэг, Эрдэнэтийн чиглэлийн зам дагуу, “Эрдэнэтийн гүүр”-ийн орчим Онцлог: Голын эрэг дагуу байрлалтай тул ус, байгалийн үзэмжтэй, задгай талбай бүхий амралтын бүс Эрдэнэтийн гүүр орчмыг усны осол гарах эрсдэл өндөр бүсэд тооцдог тул Онцгой байдлын байгууллагаaс анхааруулах самбар байршуулж, аюулгүй байдлыг хангах чиглэлээр байнгын сэрэмжлүүлэг хийдэг. Эрдэнэтийн гүүрний цогцолбор нь: Хараа голын эрэг дагуу иж бүрэн тохижсон амралт, зугаалгын бүс Дархан хотын аюулгүй, тохилог чөлөөт цагийн орчин Аялал жуулчлал, аяллын маршрут-ын нэг цэг болгон хөгжүүлсэн Зуны улиралд худалдаа үйлчилгээ, түргэн хоол, түрээсийн ТҮЦ, амралтын газрын үйл ажиллагаа Амралт, зугаалгын талбай Голын эрэг дагуух задгай талбай, зугаалга, аяллын цэг Байгаль хамгааллын сайн дурын цэвэрлэгээний ажил, мод тарих аян зэрэг олон чиглэлээр ашиглагддаг. Нутгийн иргэд, аж ахуйн нэгжүүдийн хамтын оролцоог дэмжин ногоон байгууламж, байгаль хамгааллыг сайжруулах зорилготойгоор үе шаттайгаар тохижуулж, ажиллагааг нь сайжруулсаар байна. Жишээлбэл, “Жүр Үр” ХХК өөрсдийн 15 жилийн ойн хүрээнд Эрдэнэтийн гүүрний цогцолборт 100 ширхэг нарс мод тарьж, ногоон бүсийн хэмжээг нэмэгдүүлэхэд хувь нэмрээ оруулсан нь хувийн хэвшил–орон нутгийн хамтын оролцооны нэг жишээ болсон.
Залуус цогцолбор
2025-12-08 11:13:31
Залуус цогцолбор (2022.10 сар) “Залуус цогцолбор” нь Дархан-Уул аймгийн Дархан сумын 13-р багт, нутгийнхны “Нью-Йорк толгой” гэж нэрлэдэг Билүүт толгой дээр байрлах амралт, аялал, зугаалгын зориулалттай үзэмжит цогцолбор юм. Тус цэгээс Дархан хотыг бүхэлд нь өндөрлөгөөс тольдон харах боломжтой тул дотоод, гадаад жуулчид, төгсөгч оюутан, сурагчид, хүүхэд залуусын очих дуртай газруудын нэг болж байна. Дархан хотын хөгжлийн өнгө төрхийг өндөрлөг дэнжээс харуулах, Хотын иргэд, залуучууд, төгсөгч оюутан, сурагчид, аялагчдад чөлөөт цагаа өнгөрүүлэх тохилог орчин бүрдүүлэх, Дарханы аялал жуулчлал, хотын брэнд цэгүүдийн нэгийг бий болгох зорилготойгоор бүтээн байгуулсан. Төслийн санаачлагч Цогцолборыг Дархан хот үүсгэн байгуулагдсаны 60, 61 жилийн ойд зориулан бүтээжээ. Төслийг Дархан-Уул аймгийн Засаг дарга асан, аймгийн “Хүндэт иргэн” Дамдины Хаянхярваа санаачилсан. 2022 оны аравдугаар сард албан ёсоор ашиглалтад орсон. Хөрөнгө оруулалт, гүйцэтгэгч Нийт 250 сая төгрөгийн хөрөнгө оруулалтаар, 60–80 хүний бүрэлдэхүүнтэй баг 1 жил 6 сарын хугацаанд бүтээн байгуулалтыг хийж гүйцэтгэсэн. Ерөнхий гүйцэтгэгчээр “Баян Бридж” ХХК ажиллаж, хэд хэдэн хувийн компани болон Зэвсэгт хүчний 330-р анги хамтран оролцсон. Дэд бүтэц, тохижилт: Цогцолборын тохижилтын ажлын хүрээнд: 1000 м² бетон цутгамал авто зогсоол 60 м² бетон шат 160 м явган хүний зам 110 м ус зайлуулах суваг Нийтийн эзэмшлийн гадаад гэрэлтүүлэг, сандал, хогийн сав зэргийг шинээр байгуулсан. Мөн тус цогцолборт: Дархан-Уул аймгийн туг, Худалдаа, аж үйлдвэрийн танхимын туг, 2021 оны шилдэг аж ахуйн нэгжүүдийн тугуудыг байрлуулсан нь залуусын хөдөлмөр, бизнес, хөгжлийг бэлгэддэг.
Бурхантай уул
2025-12-08 11:11:46
Бурхантай уул цогцолбор: (Бурхан багшийн сэрэг дүр-2003.10.12) Бурхантай уул гэж нутгийнхан нэрлэдэг энэ толгой нь Дархан-Уул аймгийн Дархан сумын төв хэсэгт, хуучин ба шинэ Дарханыг холбосон хэсгийн өндөрлөг дээр байрлах бөгөөд бэл дээр нь Будда бурхан багшийн сууж буй сэрэг дүр бүхий цогцолбор сүндэрлэнэ. Энэ нь Дархан хотын иргэдийн санаачилга, байгууллага, сүсэгтэн олон нийтийн хандив, дэмжлэгээр бүтсэн түүхэн, шашин соёлын өндөр ач холбогдолтой бүтээл юм. Цогцолборыг “Бурхантын хөндий”-д төрсөн хотдоо Будда бурхан багшийн дүрийг залж, ертөнцийн энх тайван, сэтгэлийн амар амгаланг бэлгэдэх зорилгоор Дорж багшийн санаачилгаар эхлүүлжээ. Хуучин ба шинэ Дарханы заагт орших Давхар хэмээх өндөрлөг дээр байрлуулж, хотын төвөөс хаанаас ч харагдах бэлгэ тэмдэг болгон төлөвлөсөн. Уран баримлыг уран барималч Дамдинпүрэв тэргүүтэй баг хоёр гаруй сарын хугацаанд урлаж, 2003 оны 10 сарын 12-ны Балжинням, Дашням давхацсан билэгт сайн өдөр нээлтийн ёслолоо хийж, олон нийтэд албан ёсоор хүлээлгэн өгсөн. 1 метр өндөр цагаан гантиг суурин дээр цагаан лянхуа цэцгэн дунд залран суусан байдаг. Бурхан багшийг баруун гараа өвдөг дээрээ тавьж, зүүн гартаа бадар аяга барьсан, тайван амгалан, номын сургааль түгээж буй хэв шинжээр дүрсэлжээ. Санхүүжилт, өртөг Цогцолборыг байгуулахад нийтдээ 25–30 сая төгрөгийн хөрөнгө зарцуулсан байна. Өртгийг голчлон: o Дархан хотын иргэд, o Орон нутгийн байгууллагууд, o Сүсэгтэн олон хандив, тусламж хэлбэрээр босгосон Соёл, аялал жуулчлалын ач холбогдол “Бурхан багшийн сэрэг дүр” нь Дархан-Уул аймгийн “найман бахархал”-ын нэг бөгөөд дүүжин гүүр, Морин хуур цогцолбор, “Дархан-50” цогцолбор зэрэгтэй хамт Дарханы гол бэлгэ тэмдгүүдийн тоонд ордог. Хуучин ба шинэ Дарханыг холбосон анхны дүүжин гүүртэй цогцоороо хотын панорама, нар жаргах үзэмжийг тольдон харах боломжтой тул дотоод, гадаад жуулчдын заавал зорьж очдог газарт тооцогддог. Сүсэгтэн олон залбирч мөргөхөөс гадна гэр бүл, найз нөхөдтэйгөө зорин очиж, хотын хоёр хэсгийг бүхлээр нь тольдон харах амралтын, аяллын цэг болсон.
Морин хуур цогцолбор
2025-12-08 11:10:49
Морин хуур цогцолбор нь Дархан-Уул аймгийн Дархан сумын төв хэсэгт, шинэ ба хуучин Дарханыг холбодог аюулгүйн тойргийн замын хажуугийн толгойн налуу энгэрт байрлах бөгөөд орон нутгийн иргэдийн санаачилга, байгууллага, иргэдийн хандив дэмжлэгээр бүтсэн түүхэн, урлагийн өндөр үнэ цэнтэй бүтээл юм. Цогцолборыг 2006 оны 7 дугаар сарын 7-нд албан ёсоор нээсэн бөгөөд нийт 3 га талбайг хамарсан, Дархан хотын хамгийн үзэмжит нийтийн орчны нэг юм. Үндсэн үзүүлэлт, хэмжээ Нийт талбай: 3 га Усан оргилуур: 8 усан оргилуур, түүний дотор гэр хэлбэрийн усан буулттай цогц шийдэл Ногоон байгууламж: 1200 гаруй мод, бут сөөг, 100 гаруй м² зүлэгжилттэй Гэрэлтүүлэг: 60 гаруй гэрэлтүүлгийн шон, гэрэл Цогцолборын гол хэсэг: нь Хөхөө Намжилын домгоор сэдэвлэсэн хурдан давхиа морьтны хүрэл хөшөө бөгөөд 18 метр өндөртэй энэ уран баримлыг, түүнчлэн түүнд дагалдах таван хүрэл унагыг уран барималч Н.Оргил өөрийн гараар урлаж бүтээсэн байдаг. Морин хуур цогцолборыг байгуулахад ойролцоогоор 180 орчим сая төгрөгийн хөрөнгө шаардлагатай байсан бөгөөд энэ хөрөнгийг голчлон аймаг, орон нутгийн байгууллагууд, иргэдийн хандив, дэмжлэгээр бүрдүүлэн босгосон юм. Уран баримал, уран бүтээлийн хэсгийг: уран барималч Н.Оргил зохиож, урлаж бүтээсэн Төсөл, санаачилга: Орон нутгийн иргэдийн санаачилга, хамтын оролцоонд тулгуурласан 2006 онд Морин хуур цогцолборыг Их Монгол Улс байгуулагдсаны 800 жилийн ойн улсын комисс-оос “Орон нутгийн хамгийн сайн санаачилга” цол, Алтан гэрэгэ шагналаар шагнасан нь тус бүтээлийн урлаг, түүх, олон нийтийн үнэ цэнийг үнэлсэн томоохон үнэлгээ болсон юм. Дархан-Уул аймгийн иргэдийн дунд хийгдсэн санал асуулгаар Морин хуур цогцолбор нь аймгийн “найман бахархал”-ын нэгээр нэрлэгдсэн бөгөөд жуулчид, зочдын заавал зорин очих газар болжээ.
Дархан-50 цогцолбор
2025-12-08 11:09:20
Дархан–50 цогцолбор нь Дархан-Уул аймгийн Дархан сумын 50 жилийн ойд зориулан 2011 онд байгуулагдсан бөгөөд иргэд, зочдод ногоон байгууламж, амралт, чөлөөт цаг, соёлын олон төрлийн үйлчилгээг нэг дороос үзүүлэх орчин үеийн олон талт цогцолбор юм. Энэхүү бүтээн байгуулалт нь архитектор, хот төлөвлөлтийн шийдэл болон иргэдийн санал хүсэлтэд тулгуурлан хэрэгжсэн бөгөөд Дархан сумын ойд зориулсан “50 бүтээлч ажил”-ын нэг болсон билээ. Цогцолбор нь найман үндсэн хэсгээс бүрдэх ба хотын амьдралын чанарыг дээшлүүлэх зорилготой дараах бүтээн байгуулалтуудыг багтаасан: Төв талбай: Боржин хавтангаар тохижуулсан, орчин үеийн шийдэл бүхий олон нийтийн төв хэсэг. Өндөрлөг тайз хэлбэрийн хэсэг: Шат бүхий өндөрлөг байгууламж нь цогцолборыг бүхэлд нь тольдон харах боломжийг олгодог. Усан оргилуурын бүс: Хоёр том усан оргилуур, гэр хэлбэрийн усан буулт, 20 гаруй жижиг усан оргилуур, найман сонгодог барималтай үзэмж сайтай орчин. Ногоон байгууламж, тохижилтын бүс: Мод, бут, зүлэг болон бусад ногоон байгууламж бүхий амралтын орчныг бүрдүүлэгч гол талбай. Дархан–50 цогцолбор нь иргэдийн амралт, чөлөөт цагаа зөв, тав тухтай өнгөрүүлэх боломжийг хангахаас гадна олон нийтийн арга хэмжээ, баяр ёслол, соёлын үйл ажиллагаа зохион байгуулагддаг хотын соёл–амралтын чухал төв болжээ. Шинэ жилийн ёслол, баярын өдөрлөг, гэр бүл, найз нөхдийн чөлөөт цагийг өнгөрүүлэх олон төрлийн арга хэмжээг энд зохион байгуулдаг. Мөн цогцолбор нь хотын иргэд, зочдын хэрэгцээ, саналыг үндэслэн тасралтгүй шинэчлэлт, арчилгаа, тохижилт хийгдэж байдаг бөгөөд Дархан хотын хот төлөвлөлт, амралт–чөлөөт цагийн хөгжлийн үнэ цэнтэй төслүүдийн нэг хэвээр байна. Хотын төвд байрлах уг цогцолбор нь гэр бүл, найз нөхөдтэйгөө ая тухтай амрах, байгальд ээлтэй ногоон орчинд алжаалаа тайлах боломжийг бүрдүүлдэг бөгөөд ногоон байгууламж, усан оргилуур, уран хийцийн баримлуудын шийдлээр Дархан хотын өнгө төрхөд онцгой хувь нэмэр оруулсаар байна.
3*3 сагсны талбай
2025-12-08 11:07:32
2023.06.1 Олон улсын хүүхдийн эрхийг хамгаалах өдөр ХҮҮХДИЙН БАЯРЫН энэ өдөр Миний Монгол цэцэрлэгт хүрээлэнд Сагсан бөмбөгийн 3*3-ын шинэ талбайг албан ёсоор нээсэн
Хөл бөмбөгийн талбай: /Олон улсын стандарт/
2025-12-08 11:05:49
Улсын төсвийн хөрөнгө оруулалтаар Дархан-Уул аймагт барьсан олон улсын стандартад нийцсэн 1700 хүний суудалтай хөл бөмбөгийн талбайг бүрэн ашиглалтад оруулж албан ёсоор нээлээ. Тус талбай нь тамирчдын хувцас солих өрөө, өндрийн гэрэлтүүлэг, ариун цэврийн өрөө зэрэг бүтээн байгуулалтууд бүрэн хийсэн. 2020 оны тавдугаар сард эхэлсэн. Төсөвт өртөг нь 2.5 тэрбум. Тус талбайд өдөр, оройн аль ч цагт тэмцээн, уралдаан зохион байгуулах бүрэн боломжтой. Мөн орон нутгийн хөрөнгө оруулалтаар хөлбөмбөгийн гадна талбайд 300 машины авто зогсоол, 1340 хүний зөөврийн суудалтай. Дархан хотын 60, 61 жилийн ой, стандарт талбайн албан ёсны нээлтэд зориулсан Хөл бөмбөгийн талбайг нээсэн.
Хөдөлгөөнт тоглоом
2025-12-08 10:57:42
Дархан Хотын Соёл Амралтын Хүрээлэн ОНӨААТҮГ Дархан хотын парк нь жилээс жилд өнгө нэмэн хөгжиж, иргэд болон зочдынхоо нүдийг баясгах, тав тухтай орчинг бүрдүүлэх зорилгоор тасралтгүй ажиллаж байна. Хүүхэд, багачууд төдийгүй бүх насныхан өглөө, өдөр, үдшийн аль ч цагт хүрэлцэн ирж амарч, тоглож, чөлөөт цагаа идэвхтэй өнгөрөөх боломжтой. Хүрээлэн нь нийт 44 га газрыг гурван үндсэн хэсэгт хуваан хөгжүүлэх төлөвлөгөөтэй. Үүний нэг нь хөдөлгөөнт тоглоомын бүс бөгөөд парк дотор 2.3 км урттай хүүхдийн галт тэрэгний тойрог төмөр зам байрладаг. Энэхүү галт тэрэг нь Монголдоо анхдагч томоохон бүтээн байгуулалтын нэг юм. Хүүхдийн төмөр замын баруун, зүүн талын талбайнуудыг насны ангилалд тохируулан, чөлөөт цагаа зөв, аюулгүй өнгөрүүлэх боломжтой орчин болгон тохижуулж байна. Зүүн хэсэгт бүх насныханд зориулсан спорт, чөлөөт цагийн талбайг “Дархан–60” нэртэйгээр байгуулж байгаа бөгөөд сагсан болон гар бөмбөг, дугуйт тэшүүр, экстрим спорт, хананд авиралт зэрэг спортын төрлүүдийг хөгжүүлэхэд анхаарч ажиллаж байна. Баруун хэсэгт хүүхэд, багачуудын хөдөлгөөнт тоглоомын бүс байрлах бөгөөд алсыг харагч, усан онгоцоор хийсэн савлуур, морин тойруулга, агаарын дугуй, эргэдэг аяга, мөргөлдөж тоглодог машин зэрэг зөвхөн хүүхдүүдэд зориулсан олон төрлийн тоглоомтой. Дархан хотыг зорин ирсэн хүн бүрийн үзэх ёстой газрын нэг бол Миний Монгол цэцэрлэгт хүрээлэн юм. Үдшийн цагаар парк өнгө солонгорсон гэрэлтүүлэгтэй болж, 2.7 км урт дугуйн болон явган хүний замаар намуухан хөгжим сонсон алхах нь үнэхээр таатай мэдрэмж төрүүлдэг. Хүрээлэнгийн гурав дахь үндсэн хэсэг болох усан парк–ийн бүтээн байгуулалт өрнөж байгаа ба энэ нь мөн л Монголдоо анхдагч төсөл юм. Тус усан парк нь улсын төсвийн хөрөнгө оруулалтаар баригдаж байгаа. Соёл, амралтын хүрээлэнгийн хамт олон улсын болон орон нутгийн төсвийн хөрөнгө оруулалтаас гадна өөрийн орлогоор тохижилт, бүтээн байгуулалтын ажлуудыг үргэлжлүүлэн хийж, паркийн өнгө төрх, үйлчилгээний чанарыг улам сайжруулсаар байна. Манай үйлчилж буй тоглоомууд: Өнөөдрийн байдлаар бид дараах 8 төрлийн хөдөлгөөнт тоглоомоор хүүхэд багачуудаас эхлээд бүх насны иргэддээ үйлчилж байна. Үүнд: Алсыг харагч Гинжит савлуур Завь Мөргөлддөг машин Аяга Агаарын дугуй Морин тойруулга Нархан Эдгээр тоглоомууд нь аюулгүй байдал, стандартын шаардлагыг хангасан бөгөөд иргэдийн чөлөөт цагийг ая тухтай, хөгжилтэй өнгөрүүлэх нөхцөлийг бүрдүүлэн үйл ажиллагаагаа тогтмол явуулж байна.